"Irailak 11 hori" bideoaren estreinaldia Interneten

Beste egile batzuek egindako bideo batzuen zatiak, argazkiak eta abesti batzuek erabili ditut, bideo-hausnarketa hau gauzatzeko. Bideo honek, ez du helburu komertzialik. Helburua esnatzea du, amesgaizto honetatik esnatzea.

Sinopsia:
Irailak 11, beldur hari batek hiru gertaera lotzen ditu.
Irudimenaren eta askatasunaren inkisidoreak, munduko jauntxoak, eliteak, teknologia eta bitarteko guztiak erabiliz, errealitatea distortsionatu eta gizartea eraldatzeko ahaleginetan dabiltza.
Beldurra, bortxakeria neurrigabea eta propagandaren bidez, mundu osoan zehar, Munduko Ordena Berria ezartzen ari dira.
Ilegalizazioak, debekuak, salbuespen neurriak, Parot dotrina, tortura, atxiloketa prebentiboak, justizia prebentiboa, eta abar luze bat, konplot honetan Euskal Herrian tokatzen zaigun kuota dira.
1973an Txilen, AEBen ekimenaz, Hego Amerikaz jabetu zen aro ilun baten hasiera izan zen, KONDOR Operazioa. Hego Amerika osoa diktadura batean bihurtu zutelarik.
Europan, Italian eta Belgian bereziki, Al Kaeda (CIA) estiloko atentatu basati indiskriminatuak, Gladio sareak, egin zituen bezala, Euskal Herrian, errefuxiatuen aurka aritu zen. 70eko hamarkada amaieran Pertur eta Argala erail zituzten frogak Italiako ikerketa, judizial batean azaldu ziren, hain zuzen.
Gladio, OTANek eta Amerikako Estatu Batuetako zerbitzu sekretuek eratu zuten, lekuan lekuko polizia eta zerbitzu sekretuekin elkarlanean. Hego Amerikako Kondor-en bezala. Egungo estatu hiperterrorismoa burutzeko, Al Kaeda sarea eratu al zuten?
Nazien teknika guztiak erabiltzen ari dira, gezurrak, propaganda, tortura, terrorismoa, auto-erasoa… naziekin lotura zuzena dute, nazien jarraitzaile dira, TEKNONAZIAK dira, eta kontrol digital osoko gizarte totalitarista eta zapaltzaile batetaruntz garamatzate.
HAU EZ DA DEMOKRAZIA! Ez hemen, ez inon. Demokraziaz jantzitako faxismoaren garai ilunak dira. Krisi ekonomikoa lehertarazi dute. Oraingoan, faxismoa, mundu globalizatu osoan hortzak erakusteko prestatzen ari da.
Hauek, irudimenaren inkisidoreek antolatu diguten etorkizunaren lehen izpiak dira. Mundu hobeago bat irudikatu behar dugu, etorkizun hobea sortuko duen hazia erein behar dugu. BIZIMODU HOBEA EGIN BEHAR DUGU!!
Erne! Inork ez ditzala zure erabakiak hartu! Ondo informatu zaitez, bertsio ofiziala gezurra izan ohi da. Galderak egin. Zure senari jarraitu. Adi egoteko garaia da.

Gezurretan ari zaizkigu!

KOPIATU ETA ZABALDU!
ASKATASUNA!!

Musika:

Conflict, Chopin, Bizet, R.C. Nakay & Peter Kater, Mimoun Rafroua, Fermin Muguruza, -gailu, Chumbawamba, LLuis LLach, Trova Mercedes Sosa + Pablo Milanes.


Neurria: 442,2 Mb
Iraupena: 00:57':34''
Erresoluzioa: 700x576
Codec: Divx v.6.6-mp3 128 bps

e-Mulen deskargatzeko:

Irailak 11 hori

ARRASTO KIMIKOAK: Bideo argigarriak

Italia aldetik, arrasto kimikoei buruzko bideo interesgarri hauek aurkitu ditut. Hegazkinen motorren arrastoak lurrun arrastoak (contrails) direla dioten guzti horientzat, batez ere, guztiz argigarriak izango direlakoan nago. Nasaren arabera, 8.000/10.000 metro artean, baldintza zehatz batzuetan ematen da kondentsazio hau, ez beti. Bideo hauetan ikusiko ditugun hegazkinak, garaiera horren erdian edo beherago hegan egiten dute, gainera, ohartzen bazara, arrastoak isatsetik uzten dituela egiaztatu al izango duzu, eta ez motorretatik, gehiengoak uste bezala.

The smoking gun! Controlled aerosol over the cities. Chemtrails! from Tanker Enemy on Vimeo.

The range finder proof (test two) from Tanker Enemy on Vimeo.

The range finder proof from Tanker Enemy on Vimeo.

Ghost flights from Tanker Enemy on Vimeo.

A strange spraying cylinder from Tanker Enemy on Vimeo.

L'aeronautica ti vuole L.O.V. (Locus of values - Prima parte) from Tanker Enemy on Vimeo.

OBAMAREN LEHEN TRUKOA, GUANTANAMO ITXIKO DU: Beste espetxe sekretuei buruz ixildu delarik

Aurrez idatzitako artikuluan aipatu nuen bezala, Espejismo garaian gaude, Obamak aurrez prestaturiko prestidigitadore truko batzuek egingo dituen garaian. Dagoeneko presidente karguari zin egin dio, kargua hartu du eta Etxe Xurian ostatu hartu du. Dagoeneko, komunikabide gehienek, batez ere ofizialak eta ofizialistak, Obamaren mirariaz mintzo zaizkigu eta ekarriko duen ongizatea goraipatuz dabiltza. Gaurkoan, bere lehen prestidigitadore trukoa egin du, atzo kargua hartzerakoan eta hauteskunde kanpainan zehar esandakoari jarraiki, Guantanamon burutzekoak ziren epaiketa militar guztiak, lau hilabeteren epean eteteko agindu du. Komunikabide guztiak berri hau zabaltzeaz enpatxatu egin dira, eta berriaren tiroia aprobetxatuz, ETBk adibidez, titularretan Gazako arazoa konpontzeko ere urratsak eman dituela esan du.

Ondorioa, eta komunikabideek hedatu duten mezua, Obamak kargua hartu ondorengo lehen erabakiak, aurrez Bushek utzitako arazoak konponbidean jartzea izan da, gainera tropak Iraketik ateratzen hasteko egutegia antolatzen dabilela eta abar. Alegia, munduko herritarrentzako baikortasun txute bat, baikortasun horrek sortzen duen lasaitasunak, gure arreta erakutsi nahi diguten mirari horretan jartzera gonbidatzen gaitu, eta lasaitasun horretan, soilik erakutsi nahi diguten hori ikustera mugatu gaitezke.

Bai, Obamak Guantanamo ixteko lehen urratsa eman du, baina munduan zehar barreiaturik dituzten legez kanpoko espetxeez eta hauen desagertzeaz ez du ezer esan. Itsasoan, nazioarteko uretan dauzkaten legezkanpoko itsasontzi-espetxeez beste hainbeste esan du, ezer. Guantanamo, 2001ean abiatu zuten, Afganistaneko erasoan preso hartzen zituztenak zigortzeko, 2009an ez dakigu AEBek sekretuan eta legezkanpo hedatu duen sasiko espetxe sare hau norainokoa den, baina orain gutxi arte, espetxe hoietara presoak garraitzen zituzten CIAren hegaldi sekretuek zeresan handia eman zuten munduan. Obamak, hauei buruz ere, ez du deus esan.

Gazako arazoa konponbidean jartzeko, ekialde hurbileko agintari guztiekin mintzatu omen da, Hamasekin izan ezik. Israelen interlokuzioa onartzen du eta Palestinakoa zatitu, soilik Bushen lagun den Mahmud Abbasen Palestinar buruzagitza onartzen du, Hamasena baztertzen duen bitartean. Horrelako hasierarekin, ez du arazoa konponbidean jarriko duen inongo itxurarik, bestelakoan ez lukelako gatazkaren alde bat baztertuko, Hamasekin egin bezala.

Guantanamo ixtearen alde nago, noski, baina horrek eklipsatzen duen errealiatea erakustearen alde ere.

ESPETXEAK APURTU!!

Zer da dirua?

EUROPRISION (01)

Inoiz galdetu al diogu geure buruari zergatik Europar Batasuna estatuen baitan antolatua izan den, eta ez nazio edo herrien baitan? Sarritan esan ohi zaigu Europar Batasunarekin Europako mugak ezabatzen direla, errealitateak aldiz, Europar Batasuna osatzen duten estatuen kanpo eta barne mugak, baieztatu eta indartu egin direla eta guztia amarru bat izan dela baieztatzen digu. Estatuei interesatzen ez zaizkien nazio berrientzako ez dago lekurik, ez eta Europaren deszentralizazioarentzako edo estatuen interesen haratagoko inolako antolaketarentzako.

Europar Batasuna ez da autodeterminazioaren norabidean eraiki, mundu osorako, naziorik gabeko mundu bateko, gobernu bakar bat eratzeko mundu baten norabidean emandako urratsa izan da. Nazio kontzeptua ideia horren kalterakoa da, aurkakoa. Estatu kontzeptua, aldiz, hobe egokitzen da mundialisten helburuetara, estatua ez da soilik nazioa, estatua aparatoa da, estatua agintea da. Estatua, ordena eta legea da, eta mundu osorako, naziorik gabeko mundu bateko, gobernu bakar batean, ordena eta legea oinarriak dira.

Unibertsitate mailan, Europaren eredua nabarmenki agertzen zaigu, lehenik Europatik unibertsitatera goxokia etorri zen, Erasmus izeneko goxokia, ikasleei esperientzia anitzagoa eskainiz. Behin goxokiaren amua irentsi ondoren, Europatik unibertsitatera zigorra dator, Bologna izeneko zigorra, ikaslegoen eta ikasgaien merkantilizazioa ezartzen duena

Europar Batasuna, sortuko diren beste batasun batzuek bezala, agintearen baitan eta agintearen interesen baitan eraikia izan da, gobernu eta estatu globalaren oinarriak ezarriz. Orain, nazioak itxura huts, folklore huts bihurtzen hasiak dira.

ARTE GRAFIKOA ISRAELEN GUDA KRIMENEN AURKA

Sionistak palestinar herritarren aurka nazioarteko legediaren arabera debekatuak dauden armak erabiltzen ari dira, fosforo xuriko bonbak artean. Lehen argazkikoak bonba hauen eztandak dira, bigarrena gizakiengan eragiten dituen zaurien eta ondorioen adibide bat.

Ondoren, Palestina eta Gazaren egoerari buruz, hainbat irudigileren ikuspegia. Oso adierazgarria, benetan interesgarria.

PALESTINAREKIN ELKARTASUNA



GARBIKETA ETNIKORIK EZ!!

Gaza 2009 Israelen guda krimenak

Sionisten gehiegikeriak ez du etenik, gainera nazioartearen babesa dute, agintariena behintzat. Guda kriminal hauek, orain 60 urte beraien estatua ezarri zutenetik, bere inguruan etsaiak besterik ez ditu sortu, ez da integratzeko gai izan, ingurukoak beldurtu, menperatu edo suntsitu egin ditu.

Egia bada, Bibliak omen dioen bezala, Israel jaungoikoak hautatutako herria dela, zertarako hautatu zuen argi dagoela uste dut, ingurukoak suntsitzeko hautatu zituen, ez dago besterik. Gazako herritarren minaren bihotzminez. Besarkada bat. Allauh akbar! Eutsi!