2010-05-18

Ekonomi krisiaren atzetik Europar Batasunaren zentralizazio prozesua ote dago?



Krisi ekonomikoaren hatzaparretan galduta aurkitzen garen une honetan, gogoeta egitea beharrezkoa dela iruditzen zait, gogoeta sakona, erakutsi nahi digutenaz haratago ikusten lagundu diezaguken gogoeta. Azken egun hauetan, nire buruaz galdera nagusi bat jabetu da, nola daiteke krisi hau AEBetan sortu, gauzatu eta eztanda egin zuena, AEBetan edo munduko beste edozein lekutan baino Europan gehiago eragiten aritzea? Ez naiz ekonomilaria, nire ekonomia xumeak gainera, ez dit egungo ekonomia jokoa sakonki ezagutzeko aukera eman, baina nire senak eta irudimenak beste gisako erantzun batzuetara bideratu nau, alegia, gaia soilik ikuspeki ekonomikotik ikusi ordez, ikuspegi geopolitikoaren, ikuspegi estrategiko-militarraren edo boterearen mugimenduen ikuspegitik aztertzeko aukera emanez. Badakit nire iritzia xumea dela, baina hitz hauek irakurtzen badituzu, saiatu zaitez galdera hauek erantzuten eta errealitatetik hurbilago aurkitzen zarela ikusiko duzu. Beraz, jarrai dezagun, zergatik Europan? Zergatik Europan eta ez Amerika osoan, ez Asian, Ozeania edo Australian? Zer dauka Europak hain berezia?

Krisia mundu osoan eragiten ari da, baina argi dago Europar Batasunean gauzak inon baino gogorrago gertatzen ari direla. Nire ustez, honekin zerikusi zuzena eduki dezake Europar Batasunaren osaketan eman nahiko luketen norabide aldaketa batekin. Europear Konstituzioaren hedapenak porrot egin ondoren, kontutan harturik hau Europar Batasunaren antolakuntza zentralizaturako ezinbesteko tresna zela, alegia, Europa osorako politika amankomunak, Europako Gobernu zentral bat, Kutxa amankomuna, ekonomia eta kanpo politika amankomunak… ezarpena abiatzeko tresna. Erreferendum antolaketa bitxi baten ondorioz, estatu guztietan ez baitzen erreferendumik egin, herritarrek (Irlandarrei esker, batez ere) Konstituzioari uko egin zioten. Baina neurriak hartu beharra zegoen, eta Lisboako Hitzarmenaren partxearekin etorri ziren, hitzarmen honek, ez zuen herritarren oniritziaren tramitea igaroko, estatuek, heuren artean erabaki zuten. Baina, dirudienez, hau ez da nahikoa, neurri gogorrak hartu behar baitira, eta jende hoek nola jokatzen du? neurri gogorrak hartu behar direnean giro, eskenatoki eta baldintza egokiak sortzen dituzte. Ikus dezagun, 2007ko udan, krisiaren lehen leherketa gertatzen da, espainiar estatuan, joko maltzur honen antzezpena hasi zen.

Lehen urratsa:

Egoera lausotu edo mozorrotzea
Zapaterok hauteskunde kanpainako mitin batean, izugarrizko jendetzaren eta TBkate nagusien aurrean, 2.000.000 lanpostu sortuko zituela esan zuen. Ez zegoela inolako krisirik eta Espainiak izugarrizko gorakada ekonomikoa izango zuela. Gezurrezko promesa honek eman zion garaipena. Zein izan zen Rajoyren erantzuna, nik irabazten badut 2.200.000 lanpostu sortuko ditut. Eskolaurreko patioetan bagina bezela, nik zurea baino handiagoa dut jolasean arituz, estatu espainiarreko benetako egoera ekonomikoa estaltzeko ahalegina izan zen. Biak ederki zekiten krisiaren egoera zein zen, biak ederki zekiten zer ari zen gertatzen eta etorkizunean zer zetorren, eta horregatik heuren lana txukun burutzen ahalegindu ziren, beren militantziari kontsumitzeko mezua hedatuz. Lotsagarria izan zen, baina begien aurrean egin digute eta ez dugu deus esan edo egin.


Bigarren urratsa:

Egoera usteltzen utzi
Ondoren, behin ZP bere lekuan egon ondoren, Rajoy krisiaz mintzatzen hasi zen, Zapaterok eta bere gobernuak Espainian krisia zenik ukatzen zutelarik. Hemendik aurrera, mokoka aritu dira, Rajoy, iniziatiba erakutsiz, neurriak hartzeko, esnatzeko, herritarrak ez engainatzeko…, azken finean, egurra ematen eta Zapatero eta bere gobernua, boxeolari hartzaile baten moduan, kolpeak hala nola enkajatuz. Eta bankari eta finantza sistemari diru laguntzen banaketa etorri zen, nahiz eta aurrez, beste neurri "apalgarri edo amortiguatzaileak" erabiliz gizarte ongizatearen ilusionismoarekin jolasean ibiliz, gizartearen oniritzia jaso zuen. Bankulapurrek herritar guztien dirutik 100.000.000.000 € hartu zituzten. Bitartean, mundu osoan, egoera beretsuan aurkitzen ginen. Beno, ia mundu osoan, nik esango nuke, batez ere MDFk (Munduko Diru Funtsak FMI) zer xurgatua zeukan tokietan, Hegoamerika, Asia eta Afrika gehiena jadanik beraien hatzaparretan baitute. Islandia eta ekialdeko errepublika batzuek izan ziren MDFren hatzaparretan erortzen lehenak. Europan anabasa zen, G20, antzerkia han eta hemen, baina egoera usteltzen ari zen, inork ez baitzituen behar ziren neurriak hartzen, estatu bakoitzak bere neurriak hartu baitzituen, ez baitziren politika amankomunak egin, eta abar eta abar. Pittinka-pittinka, behar zituzten baldintzak egosten joan dira, arazoa gauzatzen. Egoera zuzentzeko ez direla neurri egokiak hartu guztien ahotan ibili da, dabil eta zoritxarrez ibiliko dela iruditzen zait. Noraeza eta usteltze egoera honek noizbait eztanda egin behar du, hori baita hasiera batetik bere helburua, hori baita hasiera hasieratik antolatutakoa, eta Grezia erortzen da. Grezia, €uroguneko estatua, hau ez da sartu berri bat edo Islandia bezela, Europar Batasunetik kanpoko estatu bat (Nahiz eta Islandiak krisiaren ondorioz Europar Batasunean sartzea erabaki duen, susmagarria benetan. Ikusten duzue zein den jokoa? Estatuen burujabetza ekonomikoaz jabetzea.), eta Greziaren leherketak zuzen zuzenean hurrengo urratsera garamatza.



Hirugarren urratsa: salbazioa

Orain, guztiak egoeraz kezkaturik eta beldurturik gaudenean, estatuek beren benetako aurpegia erakusten dute, beste boteregune handiagoekiko menpekotasuna, eta MDF Europar Batasuneko ekonomia kontrolatzen hasten da. Salbatzaile itxura harturik, ezinbestean, gerrikoa estutzen hasten zaizkigu eta egoera honetara ekarri gaituzten arrazoien aurkako ustezko neurriak hartzen dituzte, baina egoera honetara, beraiek jorratutako plangintzak eta jokaerak ekarri gaitu. Europak politika ekonomiko bat behar duela aldarrikatzen hasi dira, Europak estatuei zer egin behar duten esaten die, baina, Europar Gobernu bakar baten beharra aldarrikatzen hasi dira, Europak Kutxa (tesoreria) bakarra behar duela aldarrikatzen hasi dira. Neurri hauek ezarri bitartean, guri, herritarroi, neurri hauekiko beharra sortzen hasi dira, neurri hauekiko onarpena, eta neurri hauek ezarri arte lan eta gizarte baldintzak gogortzen joango dira, azkenean, beste erremediorik gabe onartuko, aldarrikatuko edo eskatuko ditugulakoan. Azken finean, beraien egitasmoak burutzeko neurri batzuen premia zuten, neurri hoiek indarrez ezarri ezkero, aurkako erantzun sendoarekin aurkituko ziren. Orduan, egoera sortzen dute, ekonomiaren hariak mugitzen dituztenak likidoaren iturria ixten dute, zuloak agertzen hasten dira, finantza sistemak eta kapitalismoak porrot egiten dute (bizirauteko herritarren diru kopuru izugarriak irensten dituztelarik), krisia hedatzen hasten da finantza sistematik ekonomia errealera zabalduz, Europako estatuen ekonomiek porrot egiten dute, arazoa eskuartera iristen zaigu. Langabezia, EREak, lan baldintzen gogortzea, garestitzeak… Arazoa bete betean dagoenean, guztiok, arazoa gainditzea nahi dugu, arazoa eduki aurreko egoerara itzultzea, baina hori ez da gertatuko, arazoa, egoera berri bat sortzeko baliatzen baitute.




Laugarren urratsa: kontrolaz jabetzea

Beraien neurri gogorrak onartzea baino beste aukerarik ez dagoenean, MDFko eta bestelako bankulapur salbatzaileak beraien diru zikinarekin agertzen dira, usurero zitalena baino interes gogorragoak dituzten beraien mailegu salbatzaileak eskeiniz. Mailegu zikin hoiek dira munduan bizi dugun desoreka ekonomikoaren jatorri nagusia, mailegu hoiek sortu dute herrien kanpo zorra eta mailegu hoien bidez MDFko bankulapurrak eta hauen buruzagiak estatu burujabeen jabe egiten dira. Diruaren banpirizazioaren bidez, ia mundu osoaz jabetu dira, eta orain, Europear harroen txanda iritsi da. MDFk Europan lur hartu ondoren, gauzak ez dira inoiz lehengoak izango eta Europar Batasunaren eraikuntza zentralizatuaren lehen urratsak ematen hasiak dira, helburu garbi bat dutelarik, Mundu bat, Gobernu bat, txanpon bat, alegia, mundu mailako lehen inperioa. Helburu horren bidean urratsak ematen ari gara, eta une honetan, Europa bat, Gobernu bat, txanpon bat da lelo nagusia. Gogoeta xume bat baino ez da, ni ez naiz ekonomilaria, irudigile xume bat naiz, eta hauxe da ikusten dudan irudia. Erne, "azeria" oilotegian dago eta "otsoa" artaldeak zaintzen dabil.

Eta zuk, nola ikusten duzu?


Etiquetas: , , , , , , , , , ,

2010-01-30

Hondoratzea (Humore grafiko gehiago)


Etiquetas: , , , , , , , , ,

2010-01-28

Zer gertatzen da Haitin?

Haitin gertatutakoari buruz eta gertatzen ari denari buruz emandako bertsio ofizialak ez bazaitu hasetzen, agian, balak airera boteaz jendea ez dela hiltzen uste baduzu (garai bateko bertsio ofizialetan esaten zute bezela), bideo xorta honetan intereseko zerbait aurkituko duzu.






Etiquetas: , , , , , , , , ,

2009-12-19

Euskaldunon Egunkaria eta auzipetuak aske!! Askatasuna






Etiquetas: , , , , , , , , , , , , ,

2009-11-18

A gripea: Alemanian txertoa hartu ondoren gizon bat hil da



Mathaba.net, 2009/11/16 - Ostegunean, Thueringer Allgemeine egunkariak igandean informatu zuenez, Alemania ekialdeko eskualdeko, Eichsfeld hirian 55 urteko gizon bat, A gripearen txertoa hartu eta ordu gutxietara, hil egin zen. Artikulo osoa hemen (erderaz):

http://investigar11s.blogspot.com/2009/11/muere-un-hombre-en-alemania-tras-darse.html?utm_source=feedburner&utm_medium=feed&utm_campaign=Feed%3A+Investigar-11s+%28Investigar-11S%29


Etiquetas: , , , , , , , , ,

2009-11-17

Ukrainiako birusa H1N1 eta parainfluenza nahasketa bat da


Victor Bachinsky patologoa

Victor Bachinsky forenseak, elkarrizketa batean hauxe dio: "Autopsietan oinarriturik, neumonia ez dela ondorioztatu dugu, bihotz-biriken gutxiegitasuna eta bihotzaren kolapsoa da… Birusa zuzenean biriketan sartzen da, odoljarioa izaten da… Ez lirateke antibiotikoak erabili behar...

Elkarrizketa osoa erderaz irakurtzeko hemen:

http://investigar11s.blogspot.com/2009/11/ucrania-el-virus-es-una-mezcla-de-h1n1.html

Parainfluenza, goiko eta beheko arnasbideetan infekzioak sortzen dituen birus talde bat da. Gehiago jakin nahi baduzu:

http://www.clinicadam.com/salud/5/001370.html

Etiquetas: , , , , , , ,

Erne A txertoarekin

Gaur A gripearen txertaketa kanpaina hasi da, osakidetzaren esanetan erabat fidagarria omen da. Orduan zertarako hartu dituzte arduradunei inpunitatea zihurtatzen dizkieten lege neurriak?


Etiquetas: , , , , , , , , ,

2009-11-16

A gripea: txertoa hartzearen arriskuak

Discovery DSalud aldizkari elektronikoan aurkitutako artikulu mamitsua, gaurko egunez, agintariak, osakidetza, txertoa zihurra dela esaten dabiltza. Zalantzak badituzu, artikulu honetan, txerto honen arriskuei buruzko lan sakon, serioa eta mardula aurkituko duzu:

http://www.dsalud.com/numero120_4.htm

Etiquetas: , , , , , , , , , , ,

AHT bat nola egin (10 urratsetan)



Humore pixka bat, zergatik ez? (Kopiatu eta zabaltzeko baimena duzu)

AHT eta egitasmo txikitzaile eraldatzailerik EZ!

Etiquetas: , , , , , , , , , , ,

2009-11-15

A gripea: bihar txertatze kanpaina abian jarriko dute.




Agintariek hedatu duten beldurraren pandemiaren emaitzak jasotzen hasteko garaia da, bihar estatu osoan A gripearen bakunazio kanpainarekin hasiko dira. Eztabaida sakonak piztu dituen txertaketa honen aurrekariek, pandemia berezi honen ezaugarri bereziak eta hau gertatu ahal izateko mundu mailan eratu den marko legala eta honek agintariei ahalbidetzen diena ikusteak, guzti honen atzean ezer garbirik ez dagoela adierazten du.


Gaurkoan ETB1ean, adibidez, "munduan dagoeneko milioiek txertoa hartu dutela eta oraindik inori ez zaiola ezer gertatu" esan dutenean, gezurretan aritzea ere ez da garbitasunaren erakuslea.







Hona hemen gezurretan ari direnaren hainbat adierazle:

Frantziar estatuan.

Suedian eta Suitzan.

AEBetan

Eta txerto hauek sortu dezaketen edozein kalteren aurrean, inori ardura ez eskatzeko, alegia, inpunitaterako marko legala antolatu izana, ez al dira nahiko?

Poloniako Osasun Ministeritzaren jarrera ordea, bestelakoa da, eta zer pentsatua ematen du:





Ukrainian gertatzen ari denari buruz:

Azaroak 12ko berriak (Ria Novosti agentzia)

Jarraipena egiteko (Healthmap.org)

Kontrastatu gabeko iturri batetik (trinityatierra.wordpress.com)

Ez dakit zer egiteko asmoa izango duzun, baina nik garbi daukadan gauza bakarra ez dudala txertorik hartuko da, nahiago dut eritasun batengatik hiltzea txerto edo botika batengatik hiltzea baino.


TXERTAKETARIK EZ!!
FROGATU GABEKO BOTIKARIK EZ!!

Etiquetas: , , , , , , , , , , ,

"911 días después" bideoa M-11 ren beste ikuspegia

Aznar, Acebes, Rajoy eta hoien lehen bertsio ofiziala, alegia, M11ko atentatuak ETAk burutu zituela zioena, gezurra zen. Rubalcaba, Zapatero, Audienci Nacional eta abarren bigarren bertsio ofiziala, alegia, atentatuak talde islamista berezixamar batek burutu zituela dioena, ez da egia. Beste gezur bat da, gezur bat beste batek estalia. Bideoan oso argi adierazia dago. Honako helbide honetan, http://www.voltairenet.org/article162563.html bigarren bertsio ofizialaren hutsuneak sakontasunean ezagutu ahal izango dituzu.

Gezur guzti hauek, Euskal Herriaren aurkako eragin nabarmena izan zuten, zuzenena Angel Berrueta eta Kontxi Satxizen etxeetan utzitako hutsunea izan delarik. Gezur guzti hauekin elikatu diren gezurtiek, ez dute kalte nabarmenik jaso.

Etiquetas: , , , , , , , , , , ,

2009-11-14

Emir 11-M-04: Martxoak 11ko atentatuei buruzko eleberria



Irakurketa interesgarria izan daitekeela dirudi.

http://www.elemir11m04lanovela.com/

Etiquetas: , , , , , , , , , , , ,

2009-11-13

SITEL, estatuaren belarri "kuxkuxeroa"




SITEL, estatuari dei telefoniko guztiak aldiberean "pintxatzea" ahalbidetzen dion softwarezko tresna da. Gürtel kasuaren harira ezaguna izan bada ere, PSOE gobernura iritsi zenetik, Rajoyk Aznarren Barne Ministro zenean erosi zuen, teknologia hau erabiltzen aritu omen da. Estatuak 36 milioi €tan Ericsson konpainiari erositako teknologia honekin, estatu osoko dei GUZTIAK aldiberean pintxatzeko gaitasuna dauka, epailearen inolako baimenen beharrik izan gabe. Epaileari grabatutakoa entzuteko baimena eskatu behar diote soilik, baina, guztia eta guztiena grabatua izaten da.







Artikulu hauetan, Sitel-eri buruzko eta komunikazioen espioitzari buruzko, informazio zehatza aurkituko duzu:

Sitel: Gresca PSOE-PP por un sistema «para malos»

Claves de las escuchas telefónicas en España

SITEL: un sistema de espionaje creado en 2001 y desconocido todavía por los jueces

El Sistema Integral de Interceptación de las Comunicaciones Electrónicas (Sitel) requiere un control

Guardia Civil y Policía Nacional podrán "pinchar" los teléfonos directamente

Más y mejor tecnología para espiarnos más y mejor

El Gobierno español se escuda en una normativa "expulsada" para interceptar comunicaciones electrónicas




Etiquetas: , , , , , , , , ,

2009-11-07

Ukrainia nazio larrialdi egoeran

Ukrainian ematen ari den osasun egoeraren larritzea dela eta nazio larrialdi egoera ezarri dute. Epe laburrean, herritar asko kutsatu eta hil dira. Infektaturiko herritarrek izan dituzten sintomak neumonia hemorragikoarenak bezelakoak dira. Epidemia artatzen ari diren sendagileak ere hiltzen ari dira, eta hau ez da ohikoa. Ukrainiako presidenteak herritarrei helarazitako mezua argia da, Ukrainia nazio emergentzia egoeran aurkitzen da. Oraindik zein birus jendea kutsatzen ari den argitzerik ez badago ere, OME (Osasunaren Munduko Elakartea) eta Ukrainiako Osasun Ministeritzak ez dute asko behar izan H1N1 A gripea dela esateko. Bitartean, uda osoan beldurra sartzen ibili zaizkigun hedabideak mutu agertzen dira, ez dute Ukrainiako egoera aipatu ere egiten. Adi!

Euronewsen bakarrik ematen dabiltza.


Etiquetas: , , , , , , ,

2009-05-06

GOI MAILAKO SATANZALEAK: Satán, deabrua… gurtzen duten batzuek. Illuminatien esku keinua.

Jende askok oharkabean erabiltzen duen, eskuarekin egindako adarren keinua, kornudo esateko erabiltzen den bi edo hiru hatzez osatutako keinua. Oharkabean diot, keinu hau, deabrua edo satan gurtzen dutenen keinua delako.


Masoiena


eta satanzaleena.


Anton Szandor LaVey, Satanen Elizaren (AEB) buruzagia

Baina, ikus dezagun, jendaurrean debrua gurtzen dutenean, nortzuk gehiagok erabiltzen duten keinu hau:

George W. Bushek…











…bere emazteak…







…bere alabak…



…eta Dick Chenneyk.



Errusiarrak ere,



Berlusconik,





eta Sarkozyk.



Tira, hauek eskuindar, faxista eta tirano batzuek direla pentsa dezakezu, baina ez dizut iruzurrik egin nahi, Bush satanzalea bada, zer gertatzen da Obamarekin? Jaungoikozalea al da?

Bere emazteak apalxamar
adierazi bazuen ere…



…bere arerioak sotiltasun
gutxiago erakutsi zuen…




…baita bere burkideak ere…



…eta bere aitzindariak
zer esan.



Harro agertzen zaizkigu, inolako lotsarik eta beldurrik gabe, beraien izaera zitala gure begien aurrean azaltzen dute. Ez zaie gure iritzia axola, ez dira gure beldur… Eta Obama zer? Zer gertatzen da Obamarekin? Jendaurrean deabruzalea dela erakutsi al du jada? Jarraituko du…

Etiquetas: , , , , , , , , , , , ,

2009-05-05

BILDERBERG KLUBA: Sofia erreginaren eta munduko klub boteretsuenaren historia


Etiquetas: , , , , , , , , , , , ,

PP-PSOE ITUN ANTITERRORISTA 2.0: Ixiltasunaren amaiera


Hauteskunde eguneko zalapartaren ondoren, datorren lehendakaria, P. Lopez alegia, eta bere taldea ixilik egon dira, Basagoiti eta bereak gizartea beraien astakeriekin beldurtzen aritu eta ari diren bitartean. Ixilik, bai, lotsagabeki ixilik, maltzurki ixilik, makiabelikoki ixilik. Esames eta zurrumurru guztiak ixiltasun honekin eta adierazpen askeren batekin elikatzen aritu dira, zer gertatuko den ez dakigu, baina zer pentsa eman digute.

Testuinguru honetan, ulergaitza egiten da, baina, helburu ezberdinekin bada ere alde guztiek heuren jarrera eta adierazpenekin, zurrumurruen beldur hau elikatzen aritu dira, aritu gara. Batzuek ixiltasunarekin, besteek probokazioarekin eta gainontzekoak, hauei erantzun nahian, baina giro hau elikatu dugu, guztiek giro bera, bateonbat gure lepotik barrezka ariko da hariak maisu gisa mugitu dituelako.

Halere, ardura nagusia egingo duenak dauka, besteak astakeriak esan gabe ixilik egon denak, egoera hau galeraztekoak eskura izan eta erabili ez dituenak, ixilik egon behar zuenari hitzegiteko esan dionak. Ardura nagusia P.Lopez datorren lehendakariak dauka, lehendakari baten ixiltasunak, nahiz eta datorren lehendakaria izan, Bushek irailak 11ean berria eman ziotenean eduki zuen erreakzioaren parekoa da. Tristeena da, hitzegin beharko lukenean ixiltzen dana, sarritan, ixilik egon behar lukenean mintzo dela. Zerbait egin beharko luketenean geldik gelditu eta geldik egon behar dutenean ekiten diotenak.



Gaur, P.Lopez eta Basagoitiren lehen irudi bat eskeini digute, esklusiba gisa faszikuloka. Datozen egunetan, Lopezek eta bere taldeak kargua hartuko dute eta orain arteko ixiltasuna zalaparta eta algara bihurtuko dute (Obama efektua), lehenengo kolpe kosmetikoak eman ondoren, Jaurlaritza berri honen benetako hatsa sentituko dugu, ekintzak, jarrerak,…benetako aldaketa. Nola eragingo digu aldaketa horrek guri?
Zein eragin izango du EAEko gizartean? EAE, Nafarroa eta iparraldearen arteko harremanetan? Eta zein eragin izango du euskal herri osoko gizartean? PNVren 30 urteak kaxkarrak izan badira ere, jakina da, bideak guatemalatik guatepeorrera egiten duela.

Etiquetas: , , , , , , , ,

PP-PSOE itun antiterrorista 2.0

Azkenaldian nahiko geldirik daukat leihotxo hau eta hautsa hartzen hasi aurretik zerbait esan nahi dut, laburra izango naiz, oraingoan denboraz eskas bainabil. Hitz gutxi oraingoan, ALDAKETA? Españolizatu nahia. BELDURRA? Une honetan guztiak beldurra zabaltzen ari dira, batzuek egingo dituztenak esaten eta gainontzekoak egingo dizkigutenak salatzen. Beldur hau gainditzen saiatzea zaila da Basagoitik ETAkideen atxiloketak %500 batean igoko direla dionean, zer esan euskaraz. Baina beldur psikologiko honi aurre egin beharrean gaude, orain arte ere ez ginen paradisuan bizi, baina aurrera egiten jakin dugu. Aurrera Euskal Herria!!


Jazartzaile berria


Itsua eta Lazarilloa.


Guztiak gustura daude.

"POSESIO" ESPAÑOLA.
ERMUAKO IZPIRITUA
JAURLARITZAZ JABETU DA.



GUTXIENEZ DATOZEN LAU URTEETAN
GURE EGUNEROKOTASUNEAN

Etiquetas: , , , , , , , , , , ,

2009-03-13

IRAILAK 11 HORI dokumentalaren estreinaldia Oreretan

Atzokoan, martxoak 12, Oreretako Reina Aretoan Irailak 11 hori dokumentalaren jendaurreko estreinaldia izan zen. 25 lagun inguru, oso giro onean, elkartu ginen, ez zen jende asko etorri (egun horretan bertan, beste bi deialdi baitzeuden herrian) baina etorri zirenak oso harrera ona eman zioten dokumentalari. Dokumentala osorik ikusi, eta amaitu zenean dvdaren menua pantailara itzuli zenean ere ikusentzuleak exerita eta ixilik gelditu ziren, aretoko argiak piztu zituztenean ikusentzule guztiek bapateko txalo zaparrada eskeini zuten arte. Herritarrek, oso iritzi ona eman zuten dokumentalaren inguruan, eta gehienak, dokumentalagatik eta hau egiteko lan handiagatik harritu xamarrak gelditu zirela iruditu zitzaidan, ez zutela horrelakorik espero. Horixe da neri iruditu zitzaidana.


Orain, aurrera urratsak ematea tokatzen da, fitxa mugitzea, Euskal Herriko zazpi hiriburuetan ekitaldi bana antolatzea izango da hurrengo urratsa. Zure herri edo hirian emanaldi bat antolatu nahi bazenu, nirekin harremanetan jar zaitezke. Mila esker!

Harremanetarako: Joseba Leizeaga


DiggIt! Zabaldu

Etiquetas: , , , , , , , , ,