Noiz arte?

España tranpa bat delako… INDEPENDENTZIA!!

Urkullu, jaun eta jabe?

2012 ELECfilms-Humor electoral: Iñigo Urkullu "El jardinero fiel" from joseba01 on Vimeo.

Laura mintegi: En un mundo libre

Patxi López: Apocalipsis Now

Antonio Basagoiti: Los Otros

2012 Hauteskundeak EAEn: Bakoitzak bere pelikula

Urkulluri galdera hau bidali diot

Euskadi Pregunta saiorako, Iñigo Urkulluri galderatxo hau egitea erabaki dut. Galdera ez badute telebistan esaten, interesgarria iruditu zait galdera hemen ipintzea.

 Gabon Urkullu jauna, en la Comunidad Autónoma Vasca existen ciudadanos de primera y ciudadanos de segunda, me explico, los ciudadanos que se sienten vascos y españoles tienen sus derechos garantizados por la ley, mientras que los ciudadanos que solo nos sentimos vascos no los tenemos, no podemos ser solo vascos. ¿Está dispuesto usted a trabajar para que todos los cudadanos tengamos nuestros derechos garantizados por ley, incluso el derecho a ser solo vascos?

Erne A txertoarekin

Gaur A gripearen txertaketa kanpaina hasi da, osakidetzaren esanetan erabat fidagarria omen da. Orduan zertarako hartu dituzte arduradunei inpunitatea zihurtatzen dizkieten lege neurriak?

AHT bat nola egin (10 urratsetan)

Humore pixka bat, zergatik ez? (Kopiatu eta zabaltzeko baimena duzu)

AHT eta egitasmo txikitzaile eraldatzailerik EZ!

PP-PSOE ITUN ANTITERRORISTA 2.0: Ixiltasunaren amaiera

Hauteskunde eguneko zalapartaren ondoren, datorren lehendakaria, P. Lopez alegia, eta bere taldea ixilik egon dira, Basagoiti eta bereak gizartea beraien astakeriekin beldurtzen aritu eta ari diren bitartean. Ixilik, bai, lotsagabeki ixilik, maltzurki ixilik, makiabelikoki ixilik. Esames eta zurrumurru guztiak ixiltasun honekin eta adierazpen askeren batekin elikatzen aritu dira, zer gertatuko den ez dakigu, baina zer pentsa eman digute.

Testuinguru honetan, ulergaitza egiten da, baina, helburu ezberdinekin bada ere alde guztiek heuren jarrera eta adierazpenekin, zurrumurruen beldur hau elikatzen aritu dira, aritu gara. Batzuek ixiltasunarekin, besteek probokazioarekin eta gainontzekoak, hauei erantzun nahian, baina giro hau elikatu dugu, guztiek giro bera, bateonbat gure lepotik barrezka ariko da hariak maisu gisa mugitu dituelako.

Halere, ardura nagusia egingo duenak dauka, besteak astakeriak esan gabe ixilik egon denak, egoera hau galeraztekoak eskura izan eta erabili ez dituenak, ixilik egon behar zuenari hitzegiteko esan dionak. Ardura nagusia P.Lopez datorren lehendakariak dauka, lehendakari baten ixiltasunak, nahiz eta datorren lehendakaria izan, Bushek irailak 11ean berria eman ziotenean eduki zuen erreakzioaren parekoa da. Tristeena da, hitzegin beharko lukenean ixiltzen dana, sarritan, ixilik egon behar lukenean mintzo dela. Zerbait egin beharko luketenean geldik gelditu eta geldik egon behar dutenean ekiten diotenak.

Gaur, P.Lopez eta Basagoitiren lehen irudi bat eskeini digute, esklusiba gisa faszikuloka. Datozen egunetan, Lopezek eta bere taldeak kargua hartuko dute eta orain arteko ixiltasuna zalaparta eta algara bihurtuko dute (Obama efektua), lehenengo kolpe kosmetikoak eman ondoren, Jaurlaritza berri honen benetako hatsa sentituko dugu, ekintzak, jarrerak,…benetako aldaketa. Nola eragingo digu aldaketa horrek guri?
Zein eragin izango du EAEko gizartean? EAE, Nafarroa eta iparraldearen arteko harremanetan? Eta zein eragin izango du euskal herri osoko gizartean? PNVren 30 urteak kaxkarrak izan badira ere, jakina da, bideak guatemalatik guatepeorrera egiten duela.

PP-PSOE itun antiterrorista 2.0

Azkenaldian nahiko geldirik daukat leihotxo hau eta hautsa hartzen hasi aurretik zerbait esan nahi dut, laburra izango naiz, oraingoan denboraz eskas bainabil. Hitz gutxi oraingoan, ALDAKETA? Españolizatu nahia. BELDURRA? Une honetan guztiak beldurra zabaltzen ari dira, batzuek egingo dituztenak esaten eta gainontzekoak egingo dizkigutenak salatzen. Beldur hau gainditzen saiatzea zaila da Basagoitik ETAkideen atxiloketak %500 batean igoko direla dionean, zer esan euskaraz. Baina beldur psikologiko honi aurre egin beharrean gaude, orain arte ere ez ginen paradisuan bizi, baina aurrera egiten jakin dugu. Aurrera Euskal Herria!!

Jazartzaile berria


Itsua eta Lazarilloa.


Guztiak gustura daude.

"POSESIO" ESPAÑOLA.
ERMUAKO IZPIRITUA
JAURLARITZAZ JABETU DA.


GUTXIENEZ DATOZEN LAU URTEETAN
GURE EGUNEROKOTASUNEAN

PP-PSE itunaren dokumentua bere osotasunean ezagutu nahi baduzu.[PDF]

Imaz, EAJ-PNV eta Munduko Orden Berria

Ideia berri, aitzindari eta berritzaileak hain urriak diren garai hauetan, beste batzuen ideia zaharrak heuren ideia berriak izango balira bezela saldu nahi dizkiguten "edabe miragarrien saltzaileak" ugarituz doaz.

EAJ-PNVko abiadura handiko lehendakari ohiak, euskal gizartea kosoberaniaren edo elkarbanatutako soberaniaren ideia maltzurrarekin asaldatu zuenetik hiru urte igaro dira. Nola elkarbanatu dezakegu ez daukagun hori, hori bera kendu eta ukatzen digunarekin? Bere garaian maltzurra iruditu zitzaidan hura, orain are eta maltzurragoa eta kezkagarriagoa iruditzen zait.

Memoria ariketa bat eginez, oroitu dezagun Imazen ideia "berritzaile" hura, Imazen hitzetan bertan. Oinarrian, Josu Jonen diskurtsoa honakoa izan zen: "Arazoaren giltzarria da, eta zihurrenik formula malgu eta modernoen bidez aurre egin beharko diogu, batetik, euskal gizartea den, erabakiak hartzeko gaitasuna duen, sujetu baten esistentziaren onarpen bat eta estatuarekin erabakiak hartze horretan paktu eta aldebakarrekotasun ezaren elementu izan daitezkeenak kontutan hartu beharko ditugu. Agian, kosoberania formula modernoekin soberania kontzeptu klasikoekin baino zerikusi gehiago izango duen konponbide bat bilatu behar dugu". Ideia "berri" eta "berritzaile" honek EAJ-PNVko militantzian bertan, halako lurrikara bat eragin zuen. Baina, ideia hori, benetan berria al zen? Edo bere nagusien mezua hedatzen al zebilen? Nortzuk ote dira bere nagusiak? Ikusi dezagun, Petrocoke gizon berriak zein iturrietatik edan zuen.

Gure Auzo Globala, Oxford University Press-ek, CFRrentzako, beste batzuen artean, 1995ean argitaratu zuen txosten bat da. CFR (Council of Foreing Relations), Bilderberg Klubaren pareko erakunde lagun bat da. Itzaletik mundua gobernatzen ari diren boteredun jendea, alegia, gure agintarien agintariak. Gure Auzo Globala Munduko Ordena Berriaren oinarri ideologikoa edo "Biblia" dela esan genezake. Munduko Ordena Berria, ezartzen hasi zaizkigun erabateko kontrol eta menpekotasun gizartea da. Etorkizuneko esklabutza, soilik agintari gutxi batzuez eta menpeko askoz osatutako etorkizun hurbileko kontrol digital osoko gizartea. Testuinguruan pixka bat kokatu ondoren, Josu Jonen haria berreskuratuz, ikus dezagun Gure Auzo Globala txostenean zer aurkitu dugun: " Geroz eta elkarren menpekoago den mundu batean, non lurraldetasuna, independentzia eta interbentzioaren ikuspegi zaharkituak bere esanahiaren zati bat galdu duten, printzipio tradizional hauek moldatu beharra dago. Nazioak, soberania hainbat alorretan kolektiboki onartzera behartuak ikusten dira, bereziki gai amankomunetan. Estatuen eskubideak jendearen eskubideekin eta nazioen interesak komunitate globalaren interesekin armonizatu ditzan, soberania printzipioa moldatua izan behar da". Hamar urteko tartea dago txosten hau 1995ean argitaratu zenetik Josu Jonek bere diskurtsora 2005ean ekarri zuenera, baina elkarren arteko lotura zuzen zuzena da. Baina hau ez da adibide bakarra, David Rockefeller, CFRko eta Bilderberg Klubeko bazkideark, zehaztu gabeko urtean, ondorengo hitzak esan zituen: " The Washington Post, The New York Times, Time Magazine eta beste argitalpen handiekiko zeharo eskerdun gara, zeintzuen zuzendariek gure bileretan izan diren eta beraien diskrezio promesak ia 40 urtez bete dituzten. Munduarentzako gure plana garatzea, urte horietan zehar publizitatearen fokoetara meneratu izan baligute ezinezkoa izango zen. Baina, mundua sofistikatuagoa da eta munduko gobernu baterantz abiatzeko prest dago. Elite intelektual baten eta munduko bankarien soberania supranazionala, iragan mendeetan praktikatutako autodeterminazio nazionalaren aldean hobetsia izango da zihurrenik." Hauetxek globalizatzaileen, mundialisten ideiak dira, Josu Jonek ideia hau euskal testuingurura moldatu zuen (edo moldatu zioten), baina, funtsean, oinarrian, helburua eta mamia bera dute, norabide bereruntz doaz.

Bilderberg Klubaren lehen batzarra 1954ean Oosterbeekeko (Holanda)
Bilderberg hotelean burutu zen.

Ez dut esan Imazek CFR edo Bilderbergentzako lan egiten duenik, ez baitakit norentzat lan egiten duen. Halere, beste norbaiten ideiak, mezuak, zabaltzen dituenak, azken finean, beste horrentzako lan egiten du, alegia Jotajotak Munduko Ordena Berriaren alde lan egin du eta lan egiten du. Gaur egun mundu osoaz jabetzen ari den taldearentzat lan egiten du, elitearentzat. Bere nagusiek, une zehatz batean etekin gehien ateratzeko EAJ-PNVko lehendakaritzan egotea agintzea eta orain Petronorren (Repsol) lehendakaritzan egotea agintzea erabaki zutenak dira.

Sofia erregina, Versallesen Bilderberg bileratik
irtetzerakoan 2003ko maiatzak 15-18

Besarkada bero bat, Munduko Ordena Berriaren hatzaparretan Euskal Herrian eta mundu zabalean harrapatutakoei, batez ere euskaldunentzako guantanamoetan zigorpean daudenei.

Hau Munduko Gobernu Sekretuaren egitura omen da, zeinaren baitan, Bilderberg,
CFR eta beste lau erakunde eta hauen arteko harremanak agertzen diren.

2008ko BILDERBERG batzarrean esku hartu zutenen zerrenda ofiziala:

http://newsworldwide.wordpress.com/2008/06/07/official-2008-bilderberg-participant-list/

Bilderberg Klubari buruzko informazio gehiago

Francok bezala, PSOEk ANV-EAE debekatu egin du

Faxistek izen ugari eta forma ugari izaten dituzte, baina jarrera bertsuak. 1936ko guda zibilaren ondoren, EAE debekatu eta bere hondasun guztiak lapurtu zizkioten, gaur egun oraindik itzuli gabeko hondasunak (egoitzak, dirua…). 2008ko terrorismoaren aurkako gudaren testuinguruan, debekatu eta egungo hondasunak lapurtu dizkiote, oraindik 1936ean lapurtutakoak itzuli ez dizkiotenean. Publikoki Francoren mireslea dela aitortu duen Tribunal Supremoko presidenteak, ezin zuen bere irria, bere atsegina, ezkutatu berria zabaltzen ari zen unean. Nola ausartu dira alderdi historikoa debekatzen?

Faxismoa hemen da, hau beste tanta bat da, horrela dabiltza, tantaka, urratsez-urrats Munduko Orden Berria ezartzen.

Gaur goizean, bestetik, Oreretako udaletxean EAEren taldea desegin dute eta zinegotziei udal barruan lan egitea galerazi diete, are gehiago, erabaki hau hartzerakoan EAEko zinegotziei botoa ematea galarazi die. PSOEko hauek, gehienak, herri honetara esku bat aurrean eta bestea atzean zutela etorri ziren, alegia esku hutsik. Egun, gure herriaren jabe dira, bertakoak udaletik kanpo uzteko inongo lotsarik gabe. Sosik gabe etorri ziren eta orain aberatsak dira, Buen bezala. Ez al zarete gogoratzen besoak zabalik hartu zizuen herri honetaz? Ahaztu al duzue nola etorri zineten? Egun datorzkigun etorkinen eta zuen artean alde gutxi zegoela esango dizuet, eta gu orduan ere hemen geunden, beti gu hemen! Hau ez da demokrazia, hau faxismoa da!