ARRASTO KIMIKOAK: Chemtrails Euskal Herrian-Orereta (01)
Oreretan, 2008ko abenduaren 22an ateratako argazkiekin bideo bat gauzatu dut. Fumigazioak ez du etenik, eta egunetik egunera areagotuz doa. Zertan dabiltza OTANeko hegazkin militar horiek egunero egunero gure zeruetan? Zer egiten ari zaizkigu?
KONTROL TELEMATIKOAREN HEDAPENA: Kontrol neurri berriak emakumeen erasotazileentzat eta ustezko erasotzaileentzat
Iragan ostiralean, Españako gobernuaren Ministroen Kontseiluak, emakumeen erasotzaileei eta ustezko erasotzaileei, alegia, erasoak burutzea leporatu zaienei GPS bidezko kontrol pultserak ezartzea baimendu du. Nahiz eta guzti honek alde on bat duela ukaezina den, erasotzeagatik zigortutakoei eta salatutakoei neurri bera ezartzeak kezkatu egin nau.
Emakumeen aurka gizonek erabiltzen duten indarkeriak, betidanik kezkatu izan nau, baina azken bost edo hamar urteetan gai honek neurria nola galdu duen, nola areagotu den, ikusteak, beldurtu egiten nau. Helburu jakin batekin, nahita, gertatzea uzten den zerbaiten kiratsa dario, usteltzen eta areagotzen uzten den arazoak bezala. Emakumeen aurkako indarkeria arazo nagusi bihurtzen utzi ondoren ( zenbat erailketa behar dira gaiari errotik heltzeko? ), herritarren sentiberatasuna areagotu egiten da, herritarrak sentsibilizatu dituen arazoa, gobernuak gizartearen kontrol neurri prebentibo berriak ezartzeko erabiltzen da. Lehenik zuzenean arazoarekin zerikusia dutenekin, baina ilegalizazioa eta beste neurri murriztaileekin gertatu bezala, geroago, neurri hauek edozeini ezartzen dizkiote. Adibidez terrorismoarekin egin duten bezala, lehenik borroka armatua terrorismoa dela esaten dute, ideia hau ezartzea lortu ondoren, terrorista izateko ez dela halabearrez armak erabili behar esaten zaigu, eta inoiz arma bat erabili ez dutenak terrorismoagatik espetxeratzen hasten dira. Badakit, gai delikatua dela, baina ohartuko zarenez ez nabil txantxetan. Gauza larriena, errudunak eta ustezko errudunak kontrolatuko dituztela da. ETAkideen kasuan, oraingoz, kontrola zigorra bete ondorengo 20 urteetan izango dute, baina ostiralean Españako Ministroen Kontseiluak hartutako erabakiarekin, etorkizunean, kontrol mota hau edozein ustezko posibleri ezartzaeri atea zabaltzen dio. Gaur ustezko erasotzaile bat kontrolatzen bada, bihar ustezko terrorista bat kontrolatzeko prestatzen ari direla adierazten ari zaizkigu, eta badakizue, terrorista edonor izan daiteke, bai gizon eta bai andre, eta terrorista izateko ez da armarik erabili behar, gainera zer ez da gertatuko zuk jakin gabe ETAkoa zarela dioten epaileen erresuma ustelean?
Gizarte kontrolean urrats izugarriak ematen ari dira azkenaldian, bai Españan, bai Frantzian, bai Europan eta bai Munduan. Orain arte, metodo hauek garatzen eta beraien propaganda egiten aritu dira, dirudienez, metodo hauen hedatzea azkartzea erabaki dute. Lehenik, kontrol digitaleko neurri hauetara ohitu gaitezen, pultserak eta horrelakoak erabiltzen hasi dira. Lehenago, txakurren azal azpiko txipa, halabeharrez ezarri zuten. Bidean, txipa dun DNI digitala, gidabaimen digitala, ONA Osakidetzaren txartel digitala… datoz. Ondoren, aspalditik garatuta duten irratifrekuentzia bidezko azalazpiko txipa ezarriko digute, guztiei ezarri gainera, guztiak zerbaiten ustezko izango baikara. Eta bitartean "Gran Hermano" 10. ediziora iritsi da, zein inozoak garen, kaikuak!
Amsterdameko dirudun jendearen diskoteka batean sarrera kontrolatzeko eta ordainketak egiteko erabiltzen dute. Sartu nahi baduzu, pribilegio gisa, txakurtxoak bezala, txip! "Nos vigilan" dokumentalaren zatia.
Egunero, egunero, gure zeruetan dabilen hegazkin flotak uzten ari zaizkigun arrasto kimikoak izugarri areagotu dira. Atzokoan, zerua lerro parekidez estaltzen aritu dira, etengabean. Ez dakit, benetan zer gertatzen ari den, informazio kontrajarri asko baitago, ni ezaugarri zehatz batzuetaz ohartu naiz:
1) Fenomeno hau, orain 15 urte ez zegoen.
2) Fenomeno masiboa da (gau eta egun dabiltza).
3) Fenomeno sistematikoa da.
4) Eta egunetik egunera areagotuz doan fenomenoa da.
5) Hegaldi eta ibilbide bitxiak dituzten hegazkin zehatz batzuek sortzen dute fenomeno hau, nahiko garaiera baxuan gainera.
EZ DA LURRUNA!!HAUTS ANTZEKO ZERBAIT DIRUDI!! BA AL DAKIZU ZER DEN? EZ AL DIZU KEZKATZEN?
OBAMA, AEBetako LEHEN LEHENDAKARI BELTZA: Dagoeneko Pronostiko erdia bete da
Barak Obamak hauteskundeak irabazi ditu. Berria, berehala, inperio osoan zehar barreiatu da. Pronostiko Xumea egin nuenean, lehen lehendakari beltza izatearen gaiari, errealitatea manipulatzeko, etekina aterako ziotela aipatu nuen. Gai hau, komunikabide guztiek garrantzi gehien eman dioten gaia da, eta errealitate askoren estalkia izango da. Atzokoan, Obamak emandako garaipen hitzaldian ere, gai hau zeharka mahai gaineratu zuen. Inork AEBetako demokraziari buruz zalantzak izan baditu, zalantza hoien erantzuna, bere hautaketa bera izan dela esan zuen. Alegia, beltz bat lehendakari hautatu izana. Espejismoen garaia da, orain Obamak aurrez prestaturiko prestidigitadore truko batzuek egingo ditu, Zapaterok boterera iritsi zenean egin zituenen parekoak.
Hau gertatu eta gero, guztiak hipnotizaturik dituela, benetako aurpegia erakutsiko du. Ez du asko behar aurreko presidentea baino prestatuago egoteko, eta harek zeukan maila kaxkarrarekin egindakoak ikusi eta gero, Obamak, Bush baino maila gehiago daukanez, egingo dituenaz beldur naiz. Adibide gisa, España estatua hartu dezakegu, memoria egin, hemerotekan begiratu… eta ikusiko duzu PSOE agintean izan denean PP agintean egon denean baino eskubide murrizketa gogorragoak izan diren. PSOErekin, ZEN plana, GAL, hiltzera botatzeko politika, dispertsioa, Parot dotrina, ilegalizazioak, atxiloketa prebentiboak, justizia prebentiboa… PPrekin, Egin eta Egunkariaren itxiera, Alderdien legea… PPk norabidea jartzen duen bitartean, PSOEk norabide hori indartzeko neurriak ezartzen ditu, batez ere, Euskal herria bezelako, oinarrizko kontuetan.
ATXILOKETA PREBENTIBOAK: Eskubiderik gabeko eskubide estatuan
Garai ilunetan, kontzeptuak iluntzea ezinbestekoa da herritarren pentsamoldea ilunpean edukitzeko. Gaur Nafarroan, ETAren komando bat osatzearen akusaziopean, beste lau gizalagun atxilotu dituzte. Rubalcaba, barne ministrariak, prentsaurrean prestidigitadore baten gisan agertu denean, atxiloketari buruzko xehetasunak ematerakoan, operazio prebentiboa izan dela esan du, lau atxilotuek oraindik eratu gabeko ETAren komando bat osatzen zutela. Arma pare bat eta lehergailuak egiteko gaiak, eta abarrekoak aurkitu dizkietela, ekintzarako prest zeudela baina ekin aurretik atzematea lortu dutela. Hasieran kontzeptuak iluntzen saiatzen ari direla aipatu dut, eta horretaz ari nintzen. Prebentzioa ez da inori oraindik egin ez duen zerbait egin nahi izatea leporatzea, prebentzioa, inork horrelako ezer egin behar ez izatea da. Prebentzioa, arazoa errotik konpontzea da, prebentzioa ez da arazoa usteltzen utzi eta sintomak ez gertatzeko ahalegin guztiak egitea. Prebentzioa, gaixotu aurretik egin behar da, behin gaixotasunak hartuta egonda, lehenik osatu egin behar da, arazoa konpondu; eta orduan bai, orduan prebentzioari ekin, eta arazoak ez sortzeko baldintza berri eta prebentiboak eratu. Ezinezkoa da, AEB, Naziek, eta beste askok egin bezala, beste herri baten ustezko mehatxua dela eta herri horren aurkako eraso militar eta guda prebentiboak egitea. Prebentzioa, arazo horiek sahiesteko beharrezko begirunezko politikak gauzatzea litzateke. Ezinezkoa da, halere, egin ez duzun delitu bat egin nahi izatea uste izateagatik, epaitua eta zigortua izatea, ezinezkoa da justizia prebentiboa egitea. Prebentzioa, orainarteko gizarte eredu faltsu eta ustelak alde batera utzi, arazoen iturri baitira, eta berdintasunean bizi den gizarte aske eta partehartzailea eratzea da. Beldurra ematen du, nahi dutenerako, egiten dutenprebentzio kontzeptuaren erabilpen maltzur eta okerra ikustea. Beldurra, nola lotsa izpirik gabe, gure muturren aurrean gauza hauek botatzen dituzten ikusi, eta egoerara nola ohitutzen ari garen ikusteak. Nola insensibilizatzen ari zaizkigun ohartzean dar-dar egiten dut. Beldurra, gure muturren aurrean lapurtzen ari zaizkigula ikusten dugunean, gure aurpegira lapurtzen aritu zaizkigula, lapurtzen ari zaizkigula, lapurtuko digutela esaten ari zaizkigunean, izua sentitzen dut. Prebentzioa, arazoak gertatu aurretik, ez gertatzeko neurriak hartzeari esaten zaio; ez arazoak dituzunean, arazo hoietatik eratorritako gauzatu gabeko arazoei aurre egiteari. Tortura sahiesteko neurri prebentiboak hartu ordez, justiziaren joku arauak gaindituz, "Terrorismoaren aurkako borrokan" helburuak lortzekoprebentzioa erabiltzen dute. Ez sendatzeko, gaixorik jarraitzeko. Hauxe da Munduko Ordena Berriaren sasifilosofia, sendatu ordez, amaierarik gabeko gaixotasunaren paradisua.
Egun hauetan, zeruak oskarbi behar zuen, baina, hodei faltsuz beteta agertu zaigu, batez ere hirien gainean. Hegazkinak, etengabe aritu dira, behin eta berriz leku berdinetatik igaroz. Gaurkoan, zerbait oso berezia ikusi dut, arrastoa uzten ari zen hegazkin baten aurretik, beste bi zihoazten, pixka bat ezkerrera, norabide eta garaiera berean, eta formazio militarrean. Eskolta hegazkin hauek, neurritan ere atzekoaren berdinak ziren, baina hauek ez zuten arrastorik uzten. Ikus gaurko argazki hauek:
19:46 Begiratu ezazu, eguzkia argazkiaren ezkerrean dago, hartu mendiaren tontorrak erreferentzi gisa.
19:54 Ez dira hodeiak. Nahiz eta hala iruditu. Oroitzen zara eguzkiaz, ezkerrean jarraitzen du, argazkitik at. Aurrean duzuna, arrasto kimikoetan eguzkiak sortzen duen islada da.
19:54 Gaur zeruak oskarbi egon ordez, arrasto kimikoz beteak egon dira. Isladak eguzkia dirudi, oroitzen duzu eguzkia non zegoen?
20:06 Ezkerrean, noski!
Orain, Bianditz mendiaren (Oiartzun) magaletik, 360ºko bira emango dugu. Iparraldetik hasi eta ekialderuntz, ordulariaren horratzen zentzuan. Ohar zaitezte, nola nahiz eta zeru osoan arrasto kimikoak ugariak izan diren, herriguneen gainean askoz ere ugariagoak.
Iparraldea
Azken argazki hauek, erabiltzen duten patroi linealaren lekuko dira. Lerro parekideak osatuz, sare modukoak osatzen dituzte. Ezin izan ditut lerro parekide guztiak argazkian sartu, nahiko altuera gutxian botatzen baitituzte arrastoak. Sistematikoki egiten duten beste detalle bat ere harrapatzea lortu dut, azpimarraketa. Behin eta berriz, lehen utzitako arrastoaren gainean, arrasto berriak uzten dituzte.
Lerro parekideak. Goiko argazkiko bi lerro parekideak egin eta denbora gutxira, hirugarren lerro parekide bat egiten (behekoan).
Azpimarraketa: behin eta berriz, leku berean arrasto kimikoak uzten dituzte.
XX. mendean, artearen eremuan, ia beti bezala, lehen urratsa eman zen amaierarik gabeko artelanaren kontzeptua garatu zenean. Ordura arteko amaiera bikaineko artelanari erantzun gisa, artelanak ez du amaierarik eta artista uneoro artelan hau garatzen joango da, obra iraunkor bat garatuz. Benetan kontzeptu iraultzaile eta aitzindaria izan zen, eta artearen eremura, aldaketa eta askatasun gehiago ekarri zituen.
Kontzeptu hau ideia bezala indartzen joan zen neurrian, artearen eremutik at, bizitzaren beste esparru batzuetara hedatu zen. Lehena, eraikuntza eta obra publikoen eremua izan zen. Garai batean, hauen prestigioa ematen ziena, lan hauen bukaera bikaina izaten zen. Gure herrietan, obra bat hasi, bukatu, inauguratu eta erabiltzeko prest egoten zen. Hauek izaten ziren urratsak eta hau zen ordena. Gure herrietan, azken 20 urteetan edo, pairatzen ditugun obra publikoetan, hauetako urrats bat desagertu egin da, bukatzea, eta besteak ordenaz aldatu dituzte. Orain, hasteko izugarrizko erabakiortasuna, gogoa eta premia izaten dute; obra hasi, bukatu aurretik inauguratu eta gehienetan ez dute bukatutzat ematen, hilabete gutxitara, lehen egin zezaketen beste zerbait egiten dute (berriz zulatu, bukatu gabeko zerbait bukatu…). Artearen eremuko artelan iraunkorraren kontzeptua, obra iraunkorraren kontzeptua herri lanen eremura eramanez.
Bigarrena, 2001eko irailaren 11ren ondoren, George W. Bushen Terrorismoaren Aurkako Gudatik etorri zitzaigun. Afganistan eta Iraken guda abiatu, guda hasi eta gutxira, guda amaitutzat eman eta armistizio faltsu bat egin, eta gudarekin jarraitu, horrela guda iraunkorraren kontzeptua militarki egokituz. Gaur egun, guda honek 100 urte baino gehiago iraungo duela esana dute, amaiera argirik ez duela. Egoera honekin amaitzeko premiarik ez dutenetik, gainera, guda berriak sortzen hasi dira, Hego Osetia edo Pakistanen bezela.
Azken oportunista Joaquín Almunia izan da, Nazioarteko Finantza Sistemaren porrotari ez omen diola amaierarik ikusten esan du. Berriz ere amaierarik gabeko bidea, amaiera bera baino bidea indartzen duena. Lehen gauzak ondo bukatzea bilatzen bazen, orain helburua ez bukatzea da, irauneraztea. Sasifilosofia bat garatu dute, emaitzaren ordez obra garrantzitsuena bilakatzen duena, etekinak obrak berak ematen baititu (komisioak, maletinak, kontratak…), gudaren amaieraren ordez gudari garrantzia ematen diona, etekinak gudak ematen baititu (armen industria, sakeoa…), irtenbidearen ordez krisiari garrantzia ematen diona, etekinak krisiak ematen baitizkie, zerbaitetarako lehertzen dute, eta konponbidearen ordez gatazka amaigabea bilatzen duena, etekinak gatazkak ematen baititu (kontrol gizartea, estatu poliziala, salbuespen egoera…).
Munduko Orden Berriaren filosofia da, eta filosofia hau eraikitzen ari diren arkitektoak, benetako eroak dira, sadiko hutsak, ustelak eta eriak dira. Hondamendia ekarri nahi digute eta kontrol digital oso batetarako gizarte batetaruntz garamatzate. Eta dirudienez, esperpentoak ez du amaierarik, kointzidentzia? Dirudienez, halaber, artistak ahoa itxiarekin ederragoak gaude, alegia, ideiarik eman gabe, gure burutazioak, gure sorkuntza esparru askea ez dezaten gure askatasuna oztopatzeko baliatu, ez dezaten haien mesedetan gure aurka erabili.
